رمضان السنة دي ..... ببساطة من هنا البداية " قد أدركت رمضان فلن يسبقني أحد إلى الرحمن "

[size=25]السلام عليكم و رحمة الله و بركاته

قد كنا ندعو منذ فترات " اللهم بلغنا رمضان " و قد استجاب الله لدعائنا

طيب رمضان السنة دي زي ما يبدأ زي ما ينتهي و مش هتغير و ينتهي و انا متغفرش لية ؟

كل سنة يبدأ رمضان و اقول هختم 10 مرات و في النهاية انتهي بختمة واحدة

و اقول هصلي التراويح كاملة بجزء و جزئين و احتمال اكمل الصلاة مع نفسي في البيت و برضه أكسل

أبدأ في أول رمضان نشيط جدا للطاعة و بعدها يصيبني الفتور

أقول لا يمكن عيني تلمح فيلم و لا مسلسل و برضه أضعف و استجيب لنزغ الشيطان

أقول رمضان دة هيكون بداية التزامي لكن للأسف أول ما رمضان يخلص أنسى كل دة

أقول انا هكون أحسن واحد و هختم و اصلي كل الفروض صف اول جماعة اولى في المسجد و بعدها أفرط في المطالب دي

و أندم بعد رمضان لما ألاقي فلان و فلان ختموا عشرة و عشرين ختمة و صلوا التراويح بجزئين و تصدقوا و عملوا كل الخيرات و أنا كنت موجود معاهم بس هما سبقوني

مع ان مفيش فرق بيني و بينهم و دايما كنت بقول محدش أحسن من حد بس اتضح لي ان فعلا ناس كتير احسن مني

كام مرة عدى عليا رمضان و قولت : " لن أدركت رمضان المقبل ليرين الله ما أفعل " و يعدي رمضان و معملش حاجة

طيب عدى علينا كام رمضان و عملنا فيه الكلام دة و ضيعناه ؟

هل تعرف حد من الي كانوا معانا في رمضان اللي فات و ملحقوش رمضان دة ؟
طيب مش ممكن ابقى انا زيهم و يكون دة آخر رمضان ليا

من الآخر رمضان السنة دي بالبلدي كدة غسيل و مكواة

و مفيش حد أحسن مني و مفيش حد هيسبقني

رمضان السنة دي بداية التزامي

رمضان السنة دي مش هيعدي الا لما رنبا يغفر لي كل ذنوبي و هبدأ فيه التزامي الحقيقي

رمضان السنة غير أي رمضان فات

رمضان السنة دي ببساطة من هنا البداية

شعارنا " قد أدركت رمضان فلن يسبقني أحد إلى الرحمن "

مين معانا في حملتنا ؟ ..... مين هيسبق ؟؟؟؟

ياللا نتعرف على فضائل الشهر الكريم
تابعونا
[/size]

» رمضان شهر القرآن ..
» ( شهر رمضان الكريم )
» موضوع عن رمضان
» الشفيع في رمضان
» الخاسرون في رمضان ...